Կիրակի օրը կայանալիք Անգլիայի Պրեմիեր լիգայի «Լիվերպուլ»-«Մանչեսթեր Յունայթեդ» հանդիպումը կարող է հետաձգվել:
Բրիտանական լրատվամիջոցները գրում են, որ հունվարի 5-ին կայանալիք խաղը կարող է հետաձգվել տարածաշրջանում առատ ձյան պատճառով։
Լրագրող Փոլ Ջոյսը սոցցանցերում գրել է, որ կեսօրին (Երևանի ժամանակով մոտավորապես ժամը 16։00-ին) հատուկ խումբ է հավաքվելու՝ հանդիպման հետ կապված իրավիճակը քննարկելու համար։
Կորոշվի, թե արդյոք «Լիվերպուլը» և «Մանչեսթեր Յունայթեդը» կարող են խաղալ ՝ հաշվի առնելով եղանակային պայմանների հավանական փոփոխությունը:
Ըստ ժամանակացույցի՝ «Լիվերպուլ»-«Մանչեսթեր Յունայթեդ» հանդիպման մեկնարկը նախատեսված է Երևանի ժամանակով 20:30-ին:
