«Ֆեներբախչեի» գլխավոր մարզիչ Ժոզե Մոուրինյոն ցանկանում է, որ թիմը ուժեղացնի կազմը ձմեռային տրանսֆերային պատուհանի ժամանակ։
Ինչպես հայտնում է TodoFichajes-ը, պորտուգալացի մասնագետն ակնկալում է իր խաղացողների թվում տեսնել հարձակվող Սոն Հենգ Մինին։ 32-ամյա Սոնի գործող պայմանագիրը «Թոթենհեմի» հետ նախատեսված է մինչև 2024/2025 մրցաշրջանի ավարտը։
Լոնդոնյան ակումբը կարող է ձմռանը վաճառել հարավկորեացի հարձակվողին, որպեսզի ամռանը նրան անվճար չկորցնի որպես ազատ գործակալ։
Հարկ է հիշեցնել, որ Ժոզե Մոուրինյոն շատ լավ գիտի Սոնի հնարավորությունները, քանի որ պորտուգալացի մասնագետը նախկինում մարզել է «Թոթենհեմը»։
