«Լիվերպուլի» կիսապաշտպան Դոմինիկ Սոբոսլայը չի ընդգրկվել «Մանչեսթեր Յունայթեդի» հետ Անգլիայի առաջնության 20-րդ տուրի առաջիկա հանդիպման իր թիմի հայտացուցակում։
Ինչպես հայտնում է ինսայդեր Ֆաբրիցիո Ռոմանոն, 24-ամյա Սոբոսլայը բաց կթողնի հանդիպումը հիվանդության պատճառով։ Հստակեցվում է, որ կիսապաշտպանը վերջին երկու օրերին չի մարզվել թիմի հետ։
Ընթացիկ մրցաշրջանում Սոբոսլայը մասնակցել է 24 հանդիպման՝ ներառյալ բոլոր մրցաշարերը, խփել երեք գոլ և կատարել 4 գոլային փոխանցում։
