«Բարսելոնան» հետաքրքրված է «Նյուքասլի» 25-ամյա կենտրոնական հարձակվող Ալեքսանդր Իսակով և դիտարկում է շվեդ ֆուտբոլիստին գնելու գործարքում վինգեր Ֆերան Տորեսին ներառելու հնարավորությունը: Այս մասին հայտնում է El Nacional-ը։
Աղբյուրի համաձայն, չնայած այն հանգամանքին, որ անգլիական ակումբը նախկինում հետաքրքրություն էր ցուցաբերել Տորեսի նկատմամբ, նրա ղեկավարությունը որոշել է նմանատիպ գործարքի մեջ չգնալ «Բարսելոնայի» հետ:
Ընդգծվում է, որ «Նյուքասլը» Իսակին գնահատում է 100 միլիոն եվրո, ինչը կատալոնական ակումբի համար այս պահին անհասանելի գումար է։
Այս մրցաշրջանում Իսակը բոլոր մրցաշարերում մասնակցել է 20 հանդիպման, որոնցում դարձել է 13 գոլի և 4 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2028 թվականի ամառը:
