Մադրիդի «Ռեալը» փորձում է ուժեղացնել հարձակման գիծը՝ կապված Սաուդյան Արաբիա Վինիսիուս Ժունիորի հնարավոր տեղափոխության հետ։
Ինչպես հայտնում է El Nacional-ը, մադրիդցիները հայացքն ուղղել են «Ատլետիկի» իսպանացի վինգեր Նիկո Ուիլյամսին: Ֆուտբոլիստի տրանսֆերը հնարավոր կլինի, եթե Վինիսիուսը հեռանա թիմից։
Այս մրցաշրջանում Ուիլյամսը բոլոր մրցաշարերում մասնակցել է 23 հանդիպման՝ դառնալով 2 գոլի և 5 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը:
Transfermarkt-ը ֆուտբոլիստի արժեքը գնահատում է 70 միլիոն եվրո:
