«Լիվերպուլի» վինգեր Մոհամեդ Սալահը բանակցություններ է վարում ՊՍԺ-ի հետ հնարավոր տեղափոխության մասին, չնայած այն հանգամանքին, որ փարիզյան ակումբը նախկինում հերքել էր ֆուտբոլիստի հետ բանակցային գործընթացի առկայությունը: Այս մասին հայտնում է լրագրող Սանտի Աունան X սոցիալական ցանցում (նախկինում՝ Twitter)։
Աղբյուրի համաձայն՝ 32-ամյա հարձակվողի համար առաջնայինը մնում է «Լիվերպուլի» հետ պայմանագրի երկարաձգումը, որն ավարտվում է առաջիկա ամռանը։ Ընդգծվում է նաև, որ Սալահը դադարեցրել է բանակցությունները Սաուդյան Արաբիայի ակումբների հետ։
Ավելի վաղ ֆուտբոլիստը հայտնել էր, որ ներկայումս առաջընթաց չի գրանցել «Լիվերպուլի» հետ իր նոր աշխատանքային պայմանագրի քննարկման հարցում։
