«Բարսելոնայի» գլխավոր մարզիչ Հանս-Դիտեր Ֆլիկը պատասխանել է թիմի պաշտպան Էրիկ Գարսիայի հնարավոր հեռանալու մասին հարցին։
Ավելի վաղ հաղորդվում էր, որ 23-ամյա իսպանացի ֆուտբոլիստը կարող է հայտնվել «Ժիրոնայում»։
«Չեմ կարծում, որ Էրիկ Գարսիան կհեռանա ձմռանը։ Նա շատ խելացի է և կարող է խաղալ տարբեր դիրքերում։ Մենք այս պահին չենք ծրագրում նրան բաց թողնել»,- Ֆլիկի խոսքերն է մեջբերում Barca Universal-ը։
2024/25 մրցաշրջանում Գարսիան բոլոր մրցաշարերում մասնակցել է 13 խաղի և կատարել մեկ գոլային փոխանցում։
