Ինսայդեր Ֆաբրիցիո Ռոմանոն խոսել է Սաուդյան Արաբիայի «Ալ-Նասրի» հարձակվող Կրիշտիանու Ռոնալդուի՝ ՊՍԺ հնարավոր տեղափոխության մասին։

««Պարի Սեն Ժերմենը» բանակցություններ չի վարում Կրիշտիանու Ռոնալդուին ձեռք բերելու շուրջ, չնայած լուրերին»,- գրել է Ռոմանոն X սոցիալական ցանցում (նախկինում՝ Twitter)։

Այս մրցաշրջանում Ռոնալդուն բոլոր մրցաշարերում մասնակցել է 19 հանդիպման, որոնցում դարձել է 16 գոլի և 3 գոլային փոխանցման հեղինակ։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2025 թվականի ամառը։