«Մանչեսթեր Սիթիի» գլխավոր մարզիչ Պեպ Գվարդիոլան պատասխանել է այն հարցին, թե արդյոք ակումբը նախատեսում է նորեկներ ձեռք բերել ձմեռային տրանսֆերային պատուհանի ժամանակ։
«Ես դա հիմա չգիտեմ։ Դա հեշտ չէ և հեշտ չի լինի։ Միգուցե ինչ-որ մեկին գնենք, կամ գուցե ոչ ոքի չգնենք։ Ակումբը պետք է խելամիտ գործի։ Երբ մենք անընդհատ շատ վնասվածք ունեցող ֆուտբոլիստներ ունենք, մենք պետք է ուժեղանանք, բայց ես չգիտեմ՝ դա հնարավոր կլինի՞»,- ուրբաթ մամուլի ասուլիսի ժամանակ ասել է Գվարդիոլան։
«Մանչեսթեր Սիթին» Պրեմիեր Լիգայի հաջորդ հանդիպումը կանցկացնի շաբաթ օրը՝ հունվարի 4-ին, սեփական հարկի տակ կընդունի «Վեսթ Հեմին»։
