«Մանչեսթեր Սիթիի» կիսապաշտպան Կևին Դե Բրույնեն խոսել է իր թիմակից Սավիոյի մասին:
Անգլիայի Պրեմիեր լիգայի այս տարվա վերջին տուրում 20-ամյա բրազիլացին իր դեբյուտային գոլը խփեց «քաղաքայինների» կազմում։
«Նա շատ լավ սկսեց մրցաշրջանը, բայց հետո ինչ-որ բան սխալ ընթացավ: Նա շատ բան ստեղծեց, բայց միշտ կարևոր է գոլեր խփելը։ Ի վերջո գոլերը եկան. Սա կօգնի նրան վստահություն ձեռք բերել»,- Դե Բրույնեի խոսքը մեջբերում է լրագրող Նիլ Մոքսլին։
Այս մրցաշրջանում Սավիոն բոլոր մրցաշարերում մասնակցել է 24 հանդիպման, դարձել մեկ գոլի և 6 գոլային փոխանցման հեղինակ։
