«Լիվերպուլի» գլխավոր մարզիչ Արնե Սլոտը հայտնել է, որ իրեն չի անհանգստացնում այն փաստը, որ հունվարի 1-ից թիմի երեք գլխավոր աստղերը՝ Մոհամեդ Սալահը, Վիրջիլ վան Դեյքը և Տրենտ Ալեքսանդր-Առնոլդը, կկարողանան բանակցել այլ ակումբների հետ։ Հոլանդացի մասնագետը կարծում է, որ դեռ տնօրինում է նրանց ճակատագրերը։
«Կարծում եմ, որ ես վերահսկում եմ այն, ինչ նրանք անում են։ Քանի որ ես դարձել եմ մարզիչ, ես ունեցել եմ իրավիճակներ, երբ ֆուտբոլիստները մտածում են այլ ակումբներ տեղափոխվելու մասին, դա նորմալ է։
Այս պահին ես ուրախ եմ տեսնել, որ խաղադաշտում Վիրջիլը, Տրենտը և Սալահը անում են այն, ինչ իրենցից սպասվում է, բայց մենք կտեսնենք, թե ինչ կլինի հետո»,- Սլոտի խոսքերն է մեջբերում Sky Sports-ը։
Հիշեցնենք, որ «Լիվերպուլի» բոլոր երեք աստղերի պայմանագրերն ավարտվում են առաջիկա ամռանը։
