«Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն չի բացառել իր հնարավոր տեղափոխությունը «Մանչեսթեր Սիթի»։
Հիշեցնենք, որ «Մանչեսթեր Սիթին» լուրջ ճգնաժամ է ապրում՝ վերջին տասներեք հանդիպումներում միայն մեկ հաղթանակ տանելով, իսկ թիմի գլխավոր մարզիչ Պեպ Գվարդիոլան հայտարարել է ձմեռային տրանսֆերային պատուհանում ուժեղացումների անհրաժեշտության մասին։
Globe Soccer Awards մրցանակաբաշխության ժամանակ Ռոնալդուին հարցրել են, թե արդյոք նա պատրաստ կլինի տեղափոխվել «Մանչեսթեր Սիթի»։ «Երբեք չգիտես, թե ինչ կլինի», – ժպտալով պատասխանել է պորտուգալացին։
