Լոնդոնի «Արսենալի» մարզիչ Միկել Արտետան կիսվել է մեկնաբանությունով, թե թիմի խաղացողներից ով կարող է փոխարինել վնասվածք ստացած Բուկայո Սակային։
«Մարտինելին Սակայի դիրքում խաղացել է «Էվերթոնի» դեմ անցած մրցաշրջանի վերջին խաղում։ Սա լավ տարբերակ է մեզ համար, մենք աշխատում ենք դրա վրա»,- Արտետայի խոսքերն է մեջբերում լրագրող Ֆաբրիցիո Ռոմանոն։
Այս մրցաշրջանում 23-ամյա Գաբրիել Մարտինելին բոլոր մրցաշարերում անցկացրել է 23 հանդիպում՝ դառնալով 5 գոլի և երկու գոլային փոխանցման հեղինակ։
Դեկտեմբերի 27-ին «Արսենալը» 18-րդ տուրի շրջանակներում սեփական հարկի տակ կընդունի «Իպսվիչին»:
