«Մանչեսթեր Սիթիից» «Չելսի» տեղափոխվելուց հետո հարձակվողական ոճի կիսապաշտպան Քոուլ Պալմերը ֆենոմենալ արդյունավետություն է ունեցել:
Հիշեցնենք, որ Պալմերը «Չելսիի» կազմում հանդես է գալիս 2023 թվականի սեպտեմբերից։ Այս ընթացքում կիսապաշտպանը մասնակցել է Պրեմիեր լիգայի 50 հանդիպման, որոնցում դարձել է 33 գոլի և 17 գոլային փոխանցման հեղինակ։
Պալմերի սիրելի մրցակիցը «Բրայթոնն» է։ Երեք դիմակայություններում անգլիացին հինգ գոլ է խփել «ճայերի» դարպասը:
Ֆուտբոլիստի գործող աշխատանքային պայմանագիրը «Չելսիի» հետ նախատեսված է մինչև 2033 թվականի հունիսը: Transfermarkt հեղինակավոր պորտալի տվյալներով՝ Պալմերի արժեքը կազմում է 130 մլն եվրո։
