«Միլանի» ձախ պաշտպան Թեո Էրնանդեսը կարող է կարիերան շարունակել Մադրիդի «Ռեալում»։ Այս մասին հայտնում է TEAMtalk-ը։
Աղբյուրի համաձայն՝ աջ պաշտպանի դիրքից բացի, «Ռեալը» ցանկանում է ուժեղացնել նաեւ պաշտպանության ձախ եզրը։ Ենթադրվում է, որ 27-ամյա Էրնանդեսն ուժեղացման տարբերակներից մեկն է։ «Միլանը» քննարկում է ֆրանսիացու հետ պայմանագիրը երկարաձգելու հարցը, սակայն ակումբը պատրաստ է բաց թողնել իր խաղացողին, եթե համարժեք առաջարկ լինի, ընդգծել է աղբյուրը։
Հիշեցնենք, որ 2019 թվականին «Միլանը» Էրնանդեսին ձեռք բերեց Մադրիդի «Ռեալից» 22,8 միլիոն եվրոյով։ Այս մրցաշրջանում պաշտպանը բոլոր մրցաշարերում անցկացրել է 19 հանդիպում՝ դառնալով 2 գոլի և երկու գոլային փոխանցման հեղինակ։
