«Բարսելոնայի» կիսապաշտպան Դանի Օլմոն կիսվել է այս մրցաշրջանում կատալոնական ակումբի ունեցած սպասելիքներով։
«Իհարկե, մենք կարող ենք շատ բան սպասել այս մրցաշրջանից: Մենք շատ լավ սկսեցինք, մեր թիմն ի վիճակի է պայքարել բոլոր հնարավոր գավաթների համար, ես հենց դրա համար եմ եկել այստեղ՝ հաղթելու յուրաքանչյուր խաղում, սակայն այժմ մի փոքր բարդ իրավիճակ է ստեղծվել, բայց մենք կարող ենք պատվով դուրս գալ այս իրավիճակից»,- Օլմոյի խոսքերն է մեջբերում Mundo Deportivo-ն:
26-ամյա Օլմոն «Բարսելոնա» է տեղափոխվել «ՌԲ Լայպցիգից» 55 միլիոն եվրոյի դիմաց։
«Բարսելոնայի» առաջիկա մրցակիցը Մադրիդի «Ատլետիկոն» է։ Հիշեցնենք որ խաղը կկայանա դեկտեմբերի 21-ին, 23:55-ին։
