«Մանչեսթեր Յունայթեդի» գլխավոր մարզիչ Ռուբեն Ամորիմը մեկնաբանել է հարձակվող Մարկուս Ռեշֆորդի հայտարարությունը, ով ակնարկել է թիմից իր հեռանալու մասին՝ ասելով, որ պատրաստ է նոր մարտահրավերի։
«Ես կենտրոնացած եմ այն բանի վրա, որ բոլոր ֆուտբոլիստները լավագույն մարզավիճակում լինեն յուրաքանչյուր հանդիպմանը նախապատրաստվելիս։ Այս ակումբում եթե-ներ չկան։ Պարզապես պետք է խոսել նրանց հետ և կենտրոնանալ խաղի վրա։
Նոր մարտահրավեր․ Կարծում եմ, որ դա ճիշտ է։ Մենք այստեղ նոր մարտահրավեր ունենք, դա դժվար է, ինձ համար դա ֆուտբոլի ամենամեծ մարտահրավերն է, քանի որ մենք բարդ իրավիճակում ենք, և ես արդեն ասել եմ, որ սա աշխարհի մեծ ակումբներից մեկն է։ Սա իսկապես նոր մարտահրավեր է և ամենամեծը։ Ես իսկապես հուսով եմ, որ իմ բոլոր ֆուտբոլիստները պատրաստ են այս նոր մարտահրավերին։
Ես առանձին-առանձին խոսել եմ բազմաթիվ ֆուտբոլիստների հետ և մարզումների ժամանակ ցանկանում եմ լավագույնը վերցնել Մարկուս Ռեշֆորդից որպես ֆուտբոլիստ, այլ ոչ թե խոսել ապագայի մասին։ Ես պարզապես խոսում եմ ներկայի մասին, նրանցից յուրաքանչյուրից ցանկանում եմ լավագույնը, և դա է ինձ համար բանալին, ես պարզապես ուզում եմ հաղթել և օգնել թիմին ավելի լավը դառնալ։ Մենք տարբեր բաներ ենք փորձում Մարկուսին լավագույն մակարդակի հասցնելու համար»,- մամուլի ասուլիսի ժամանակ ասել է Ամորիմը։
27-ամյա Ռեշֆորդի պայմանագիրը նախատեսված է մինչև 2028 թվականի ամառ։
