Կիլիան Մբապեն ցանկանում է խաղալ Միջմայրցամաքային գավաթի եզրափակչում։
Մադրիդի «Ռեալի» հարձակվողը նախկինում բաց էր թողել Լա լիգայի «Ռայո Վալյեկանոյի» դեմ հանդիպումը (3:3) Չեմպիոնների լիգայի «Ատալանտայի» հետ խաղում (3:2) ստացած ազդրի վնասվածքի պատճառով։
Ինչպես հայտնում է Relevo-ն, ֆրանսիացի ֆուտբոլիստն աշխատում է անձնական օստեոպաթի և ֆիզիոթերապևտի հետ, քանի որ նա մտադիր է խաղալ «Պաչուկայի» հետ դեկտեմբերի 18-ին կայանալիք Միջմայրցամաքային գավաթի եզրափակչում: Կիլիանը թիմի հետ կմեկնի Քաթար:
Ընթացիկ մրցաշրջանում Կիլիան Մբապեն Լա լիգայի 15 խաղում դարձել է 9 գոլի հեղինակ։
