«Մանչեսթեր Սիթիի» մամուլի ծառայությունը թիմի պաշտոնական կայքում հրապարակել է ակումբի տարեկան եկամուտը։
Այսպիսով, անգլիական ակումբը 2023/2024 մրցաշրջանի համար գրանցել է 715 միլիոն ֆունտ ստերլինգ եկամուտ՝ բարելավելով նախորդ մրցաշրջանի սեփական լիգայի ռեկորդը (712,8 միլիոն ֆունտ)։ Նշվում է, որ թիմի զուտ շահույթը կազմել է 73,8 մլն ֆունտ։
Պրեմիեր Լիգայի ընթացիկ մրցաշրջանի 15 տուրից հետո «Մանչեսթեր Սիթին» վաստակել է 27 միավոր և այժմ չորրորդ տեղում է։
Հաջորդ խաղում «քաղաքայինները» Անգլիայի առաջնությունում կմրցեն «Մանչեսթեր Յունայթեդի» հետ։
