«Յուվենտուսի» հարձակվող Դուշան Վլահովիչը վերհիշել է, թե ինչպես է հեռացել «Ֆիորենտինայից» և տեղափոխվել Թուրին։
Թուրինյան ակումբը սերբ հարձակվողին ձեռք է բերել 2022 թվականի հունվարին՝ տրանսֆերի համար վճարելով ավելի քան 80 միլիոն եվրո։
«Կյանքում երբեմն պետք է ընտրություն կատարել։ Կարծում եմ՝ «Յուվենտուս» տեղափոխվելու իմ որոշումը ճիշտ էր։ Նման ակումբում խաղալն իմ երազանքն էր, և ես շատ ուրախ եմ, որ հիմա այստեղ եմ»,- ֆուտբոլիստի խոսքերը մեջբերում է CBS-ը։
Դուշան Վլահովիչը «Յուվենտուսի» կազմում բոլոր մրցաշարերում անցկացրել է 119 հանդիպում՝ դառնալով 51 գոլի և 11 գոլային փոխանցման հեղինակ։
