Նախկին ֆուտբոլիստներ Ռիո Ֆերդինանդը և Սթիվ Մակմանամանը կասկածի տակ են դնում «Ժիրոնայի» դեմ խաղում«Լիվերպուլի» օգտին նշանակված 11 մետրանոցը:
Հանդիպման 63-րդ րոպեին գլխավոր մրցավար Բենուա Բաստյենը VAR-ի հետ խորհրդակցելուց հետո 11 մետրանոց նշանակեց հօգուտ մերսիսայդցիների։ Մրցավարական խումբը եզրակացրեց, որ Դոնի վան դե Բեկը տանտերերի տուգանային հրապարակում ոտքը դրել է Լուիս Դիասի ոտքին:
«Ես կարծում էի, որ դա 11 մետրանոց չէ։ Սա շատ կասկածելի որոշում էր։ Ես կխելագարվեի:
Սա Ժիրոնայի անհաջող բախտն է: Ֆուտբոլը կոնտակտային խաղ է, և ավելի մեծ բաներ են տեղի ունենում անկյուններում, այնպես որ, ես չեմ կարծում, որ դա 11 մետրանոց է»,- TNT Sports-ին ասել է «Լիվերպուլի» նախկին կիսապաշտպան Մակմանամանը:
«Ակնհայտ էր, որ Սալահը գոլ կխփի։ Բայց ես կարծում եմ, որ այստեղ դիտավորություն չկա, իսկ ամենաճիշտ բառը անզգուշությունն է։ «Ժիրոնայի» խաղացողը մրցավարին հնարավորություն տվեց 11 մետրանոց նշանակել»,- ասել է «Մանչեսթեր Յունայթեդի» նախկին պաշտպան Ֆերդինանդը:
