«Լիվերպուլը» մոտ է հարձակվող Մոհամեդ Սալահի ապագայի հարցի հանգուցալուծմանը։ Մերսիսայդցիները ցանկանում են աստղային ֆուտբոլիստին պահել իրենց շարքերում, սակայն բանակցային գործընթացը հեշտ չէ։

Այժմ, ըստ Sky Sports-ի, կողմերի դիրքորոշումներն ավելի են սերտացել։ Մո Սալահն այս ամառ կդառնա 33 տարեկան։ Transfermarkt հեղինակավոր պորտալի մասնագետները եգիպտացուն գնահատում են 55 միլիոն եվրո:

2024/2025 մրցաշրջանում Մոհամեդ Սալահը 22 պաշտոնական հանդիպում է անցկացրել, որոնցում դարձել է 16 գոլի և 12 գոլային փոխանցման հեղինակ։ Հաջորդ հանդիպումը «Լիվերպուլը» կանցկացնի շաբաթ օրը՝ դեկտեմբերի 14-ին, սեփական հարկի տակ «Ֆուլհեմի» հետ։