Մադրիդի «Ռեալի» աստղային կիսապաշտպան Ջուդ Բելինգհեմը խոսել է մադրիդյան թիմի առաջընթացի մասին։
«Մենք հսկայական ներուժ ունենք: Կարծում եմ՝ մենք նոր ենք սկսում հասկանալ, թե ինչի կարող ենք հասնել որպես թիմ։ Կարծում եմ, որ մենք դեռ շատ մակարդակներ ունենք անցնելու, բայց կան բաներ, որոնք մեզ հիասթափեցնում են մինչ այժմ»,- ասել է Բելինգհեմը CBS Sports-ին:
Հիշեցնենք, որ երեքշաբթի երեկոյան «Ռեալը» ուրախացրել է իր երկրպագուներին Չեմպիոնների լիգայի ընդհանուր փուլի վեցերորդ տուրում «Ատալանտայի» նկատմամբ արտագնա հաղթանակով (3:2):
Հաջորդ հանդիպումը Մադրիդի «Ռեալը» կանցկացնի շաբաթ օրը՝ դեկտեմբերի 14-ին, մրցելով «Ռայո Վալեկանոյի» հետ։
