Իսպանիայի հավաքականի և Բիլբաոյի «Ատլետիկի» հարձակվող Նիկո Ուիլյամսն հստակ որոշում է կայացրել կարիերան շարունակելու համար։ 22-ամյա եզրային հարձակվողը ցանկանում է 2024/25 մրցաշրջանի ավարտից հետո տեղափոխվել կատալոնական «Բարսելոնա»։ Այս մասին հայտնում է AS-ը։
Ուիլյամսը հայտնել է «Բլաուգրանայի» ղեկավարությանը, որ պատրաստ է միանալ թիմին։ Անցած ամառ կատալոնական ակումբը փորձ արեց ձեռք բերել Նիկոյին, սակայն ֆուտբոլիստը որոշեց մնալ «Ատլետիկում»։
Ֆուտբոլիստի գործող պայմանագրի ժամկետն ավարտվում է 2027 թվականին։ Նրա տրանսֆերային արժեքը գնահատվում է 70 միլիոն եվրո։
