Անգլիացի ֆուտբոլային փորձագետ, «Լիվերպուլի» նախկին ֆուտբոլիստ Ջեյմի Կարագերը խոսել է Լոնդոնի «Չելսիի» կիսապաշտպան Քոուլ Պալմերի մասին, ինչպես նաև խոսել է ԱՊԼ-ում չեմպիոնական մրցավազքի մասին։
«Եթե նայեք «Չելսիի» այնպիսի մեծ ֆուտբոլիստներին, ինչպիսիք են Ջանֆրանկո Զոլան և Էդեն Ազարը, ապա ես կարծում եմ, որ Պալմերը 18 ամսվա ընթացքում ավելին է արել, քան Զոլան, իսկ Զոլան «Չելսիի» երբևէ լավագույն ֆուտբոլիստներից մեկն էր։ Պալմերը Ազարի հետ նույն մակարդակի վրա է։
Եթե նա «Չելսիին» տանի դեպի տիտղոս, ապա նա կլինի ակումբի պատմության մեծագույն ֆուտբոլիստներից մեկը, եթե շարունակի անել այն, ինչ անում է։ Նա հատուկ ֆուտբոլիստ է։
«Չելսիի» այս թիմը թերի պատմություն չէ։ Սա թիմ է, որը ծախսել է 1,4 միլիարդ եվրո, բայց այն, ինչ նրանք անում են այս մրցաշրջանում, միանգամայն անսպասելի բան է։ Այս ակումբը ճիշտ դիրքում է տիտղոսի համար պայքարելու համար»,- Կարագերի խոսքերն է մեջբերում Sky Sports-ը։
22-ամյա Պալմերը այս մրցաշրջանում մասնակցել է Անգլիայի առաջնության 15 հանդիպման՝ դառնալով 11 գոլի և 6 գոլային փոխանցման հեղինակ։
«Չելսին» այս պահին զբաղեցնում է Պրեմիեր Լիգայի մրցաշարային աղյուսակի երկրորդ տեղը։ Թիմը 15 խաղից հետո վաստակել է 31 միավոր։
