«Չելսիի» կիսապաշտպան Կարնի Չուկվուեմեկան կարող է կարիերան շարունակել Իտալիայի առաջնությունում։
Ինչպես հայտնում է Calciomercato.com-ը, «Միլանը» բանակցություններ է վարում ֆուտբոլիստի տրանսֆերի շուրջ։ Նշվում է, որ խոսքը վեցամսյա վարձակալության մասին է, որը կներառի տաղանդավոր կիսապաշտպանին գնելու իրավունքը։
21-ամյա անգլիացին այս մրցաշրջանում մասնակցել է «Չելսիի» ընդամենը չորս հանդիպման, սակայն արդյունավետ գործողություններով աչքի չի ընկել։ Չուկվուեմեկայի պայմանագիրը լոնդոնյան ակումբի հետ նախատեսված է մինչև 2028 թվականի հունիսի 30-ը, իսկ նրա տրանսֆերային արժեքը գնահատվում է 15 միլիոն եվրո։
