«Բավարիայի» գլխավոր մարզիչ Վենսան Կոմպանին մեկնաբանել է Գերմանիայի գավաթի խաղարկության 1/8-րդ եզրափակչում «Բայերից» կրած պարտությունը (0։1)։
Մյունխենցիները խաղում էին տասը հոգով այն բանից հետո, երբ 17-րդ րոպեին դարպասապահ Մանուել Նոյերը հեռացվեց խաղադաշտից։
«Ցավալի է, որ մենք նոկաուտի ենթարկվեցինք։ Կարմիր քարտն ազդեց խաղի վրա, սակայն տղաները շատ լավ հանդես եկան և բնավորություն դրսևորեցին։ Ես շատ հանդիպումներ եմ անցկացրել առանց մեկ ֆուտբոլիստի և գիտեմ, թե որքան դժվար է դա։
Մենք պահեր ստեղծեցինք առանց մեկ ֆուտբոլիստի, բայց, ցավոք, չկարողացանք գոլ խփել։ Երկրպագուները մեզ դրդեցին և լրացուցիչ ֆուտբոլիստ էին։ Պետք է տարբերել այն, որ մենք դուրս մնացինք, և այն, որ տղաները շատ լավ հանդես եկան։ Ես ոչ մեկին չեմ կարող մեղադրել։
Խաղի նկատմամբ երկակի զգացողություններ ունեմ՝ մի կողմից պարտվեցինք և այս մրցաշրջանում չենք նվաճի Գավաթը, իսկ մյուս կողմից՝ թիմը լավ խաղաց։ 10 ֆուտբոլիստներով մենք պարզապես չէինք սպասում և հույս ունեինք, մենք նախաձեռնող էինք։ Եթե շարունակենք նույն ոգով, ապա կհաղթենք շատ հանդիպումներում, բայց հաստատ ոչ Գավաթում»,- Կոմպանիի խոսքերն է մեջբերում Sky Sport-ը։
