«Բավարիայի» դարպասապահ Մանուել Նոյերը Գերմանիայի գավաթի խաղարկության 1/8-րդ եզրափակչում «Բայերից» կրած պարտությունից հետո (0։1) ամփոփել է հանդիպումը։
Նոյերը հեռացվեց խաղադաշտից խաղի 17-րդ րոպեին «Բայերի» պաշտպան Ժերեմի Ֆրիմպոնգի նկատմամբ խախտման համար։ Այս ուղիղ կարմիր քարտը գերմանացու համար առաջինն էր կարիերայում։
«Սա միանշանակ մեծ հիասթափություն է։ Կարմիր քարտից հետո հեշտ չէր։ Տղաները փորձեցին իրենց ուժերը և շատ բան դրեցին, նրանց չես կարող մեղադրել։ Ես ներողություն խնդրեցի թիմից։
Ես չփորձեցի վնասել Ֆրիմպոնգին, փորձեցի խլել գնդակը, բայց ժամանակ չունեի։ Ես հույս ունեի, որ նա խաղից դուրս կլինի։
Ես չեմ կարող փոխել այն։ Դա սխալ էր, և ես պետք է ընդունեմ այն, ցավոք սրտի, ես այլ ելք չունեմ», – Նոյերի խոսքերն է մեջբերում Goal-ը։
