«Բարսելոնան» պլանավորում է ուժեղացնել կազմը ամառային տրանսֆերային պատուհանի ժամանակ։

Ինչպես հայտնում է Transfer News Live-ը՝ նշելով CaughtOffside-ին, կատալոնական ակումբը կփորձի մրցել Մադրիդի «Ռեալի» հետ պաշտպան Դիոգու Դալոտի համար, եթե պորտուգալացին ցանկանա հեռանալ «Մանչեսթեր Յունայթեդից»։

Նախկինում մամուլում տեղեկություն էր հայտնվել, որ 25-ամյա Դալոտը հայտնվել է Մադրիդի «Ռեալի» ուշադրության կենտրոնում։

Ընթացիկ մրցաշրջանում ֆուտբոլիստը 21 պաշտոնական հանդիպում է անցկացրել, որոնցում դարձել է երկու գոլային փոխանցման հեղինակ։ Transfermarkt-ը ֆուտբոլիստի արժեքը գնահատում է 40 միլիոն եվրո։