«Բոլոնիայի» կենտրոնական պաշտպան Ջոն Լուկումին կարող է տեղափոխվել Լա Լիգա։ Այս մասին հայտնում է Todofichajes-ը։

Աղբյուրի համաձայն՝ 26-ամյա ֆուտբոլիստի ծառայություններով հետաքրքրված է Մադրիդի «Ռեալը»։ «Լոս Բլանկոները» պաշտպանների կենտրոնում ուժեղացումներ են փնտրում իրենց պաշտպանների վնասվածքների պատճառով։

Ֆուտբոլիստի պայմանագիրը իտալական թիմի հետ նախատեսված է մինչև 2026 թվականի կեսերը։

Transfermarkt-ը ֆուտբոլիստի արժեքը գնահատում է 17 միլիոն եվրո։

Իտալիայի առաջնության ընթացիկ մրցաշրջանում Լուկումին անցկացրել է 10 հանդիպում, որոնցում ստացել է երկու դեղին քարտ և մեկ անգամ հեռացվել խաղադաշտից։