«Միլանը» կրկին կարողացավ անառիկ պահել դարպասը Ա Սերիայում։ Պաուլո Ֆոնսեկայի թիմը սեփական հարկի տակ 3:0 հաշվով հաղթեց «Էմպոլիին»։
Ինչպես հայտնում է Opta-ն, «ռոսոներիները» գոլ բաց չեն թողել Ա Սերիայի ընթացիկ մրցաշրջանի առաջին յոթ տնային հանդիպումներից հինգում, վերջին անգամ նման դեպք է գրանցվել 22 տարի առաջ։ 2002/03 մրցաշրջանում միլանյան թիմը սեփական դաշտում անցկացրած յոթ մեկնարկային հանդիպումներից վեցում դարպասն անառիկ է պահել։
Հիշեցնենք, որ «Միլանը» 13 տուրից հետո 22 միավորով զբաղեցնում է մրցաշարային աղյուսակի յոթերորդ տեղը։
