«Մանչեսթեր Սիթին» կիրակի օրը արտագնա հանդիպում կանցկացնի Պրեմիեր լիգայի շրջանակներում «Լիվերպուլի» հետ։
«Սիթիի» մարզիչ Պեպ Գվարդիոլային հարցրել են՝ արդյոք «Լիվերպուլը» այս պահին Եվրոպայի լավագույն թիմն է։
«Չգիտեմ։ Նրանք միանշանակ լավագույններից են: Մի քանի տարի առաջ, երբ ասում էին, որ «Մանչեսթեր Սիթին» աշխարհի լավագույն թիմն է, ես ոչ մի վայրկյան ուշադրություն չէի դարձնում դրա վրա»,- մամուլի ասուլիսի ժամանակ ասել է Գվարդիոլան։
«Լիվերպուլը» ներկայումս Անգլիայի Պրեմիեր Լիգայի և Չեմպիոնների Լիգայի առաջատարն է։ «Լիվերպուլ» – «Մանչեսթեր Սիթի» հանդիպումը կկայանա կիրակի օրը՝ դեկտեմբերի 1-ին։
