Մադրիդի «Ռեալը» պատրաստվում է կիրակի օրը կայանալիք Իսպանիայի առաջնության «Խետաֆեի» դեմ խաղին։
Սպասվում է, որ Ֆեդերիկո Վալվերդեն կվերադառնա կիսապաշտպանական գիծ։ Վերջին երկու խաղերում ուրուգվայցին առաջին րոպեներից խաղադաշտ մտավ աջ պաշտպանի դիրքում, քանի որ «սերուցքայիններն» այս դիքրում առողջ ֆուտբոլիստներ չունեին։
Լուկաս Վասկեսն արդեն ապաքինվել է՝ «Լիվերպուլի» դեմ խաղում նա փոխարինման դուրս եկավ։ Ինչպես տեղեկացնում է Marca-ն, Դանի Սեբալյոսը, Լուկա Մոդրիչը և Ջուդ Բելինգհեմը ակնկալվում է, որ Ֆեդերիկո Վալվերդեին կմիանան «Ռեալի» կիսապաշտպանությունում՝ «Խետաֆեի» դեմ խաղում:
Հիշեցնենք, որ «Լիվերպուլի» հետ խաղում Մադրիդի «Ռեալի» կիսապաշտպան Էդուարդո Կամավինգան հայտնվել էր հիվանդանոցում։
