«Մանչեսթեր Յունայթեդի» նախկին հարձակվող Ռուդ վան Նիստելռոյը կգլխավորի «Լեսթերը»:
Ինչպես հայտնում է TeleFootball-ը, հոլանդացի մասնագետի պաշտոնական նշանակման մասին կհայտարարվի մոտ ժամանակներս, կողմերի միջև արդեն պայմանավորվածություն է ձեռք բերվել, շուտով պայմանագիրը կկնքվի։
Նոյեմբերի 24-ին «Լեսթերը» հայտարարեց Սթիվ Կուպերի հետ պայմանագիրը խզելու մասին։ «Լեսթերը» 12 տուրից հետո Անգլիայի Պրեմիեր Լիգայի մրցաշարային աղյուսակում 16-րդ տեղում է, անկման գոտուց տարբերությունն ընդամենը մեկ միավոր է։
Շաբաթ օրը՝ նոյեմբերի 30-ին, «Լեսթերը» իր նոր գլխավոր մարզչի գլխավորությամբ արտագնա խաղում կխաղա «Բրենտֆորդի» հետ։
