ՊՍԺ-ի սպորտային խորհրդական Լուիս Կամպոսը հանդիպել է «Լանսի» և Ուզբեկստանի հավաքականի կենտրոնական պաշտպան Աբդուկոդիր Խուսանովի ներկայացուցիչների հետ։ Այս մասին հայտնում է Foot Mercato-ն։
Հիշեցնենք, որ 20-ամյա Խուսանովը «Լանսին» միացել է 2023 թվականի ամռանը բելառուսական «Էներգետիկից» 100 հազար եվրոյով։ Այդ ժամանակվանից ֆուտբոլիստը հասցրել է ֆրանսիական ակումբի կազմում անցկացնել 27 հանդիպում։
Ֆրանսիական ակումբը ներկայումս չի ցանկանում վաճառել Խուսանովին, ֆուտբոլիստի տրանսֆերային արժեքը գնահատվում է 20 միլիոն եվրո։
