«Մանչեսթեր Սիթին» տրանսֆերային ծրագրեր է կազմում 2025 թվականի ամռան համար։

Ինչպես հայտնում է Transfer News Live-ը, անգլիական թիմի գլխավոր թիրախը «Նյուքասլի» կիսապաշտպան Բրունո Գիմարաեսն է։ Պեպ Գվարդիոլան ցանկանում է բրազիլացուն տեսնել իր թիմում։

Նշվում է, որ «Մանչեսթեր Սիթին» առաջիկա ձմռանը չի գնի բրազիլացուն։ Ձմեռային տրանսֆերային պատուհանի ժամանակ «Սիթին» կենտրոնանալու է այլ՝ ավելի պարզ տարբերակների վրա։

Transfermarkt-ը ֆուտբոլիստին գնահատում է 85 մլն եվրո։

Ավելի վաղ բրազիլացի կիսապաշտպանը հայտնել էր, որ «Մանչեսթեր Սիթիի» գլխավոր մարզիչ Պեպ Գվարդիոլային դուր է գալիս իր ֆուտբոլը։