Պեպ Գվարդիոլան խոսել է «Մանչեսթեր Սիթիի» ֆուտբոլիստների նկատմամբ վստահության մասին։
Պրեմիեր լիգայի 12-րդ տուրում թիմը սեփական դաշտում ջախջախիչ պարտություն կրեց «Տոտենհեմից»: «Մանչեսթեր Սիթին» տանուլ է տվել իր վերջին 5 հանդիպումներն անընդմեջ՝ սա իսպանացի մարզչական կարիերայում առաջին այդպիսի արդյունքն է։
«Ես վստահում եմ այս ֆուտբոլիստներին ավելի քան երբևէ։ Կյանքումս երբեք չեմ տեսել ֆուտբոլիստի, ով ցանկանա վատ հանդես գալ երկրպագուների կամ ակումբի համար։ Սա ոչ ոք չի ուզում։ Երբ նրանք խաղում են 60,000 մարդկանց ներկայությամբ, ցանկանում են լավ հանդես գալ:
Ճիշտ է, մենք հիմա բավականաչափ ուժեղ չենք։ Չեմ ասի, որ վատ եմ զգում, բայց դա զգացել եմ որպես ֆուտբոլիստ: Ցանկանում եք հաջողության հասնել, բայց կասկածներ ունեք։ Երբ մենք սկսեցինք պարտվել, ես մարդկանց ասացի։ «Մենք պետք է ելք գտնենք»: Սա իմ պարտականությունն է,- ասել է «Մանչեսթեր Սիթիի» գլխավոր մարզիչը։
