«Մանչեսթեր Յունայթեդի» գլխավոր մարզիչ Ռուբեն Ամորիմը անգլիական ակումբի ղեկին իր առաջին հանդիպման նախօրեին խոստովանել է, որ հավատում է իր ֆուտբոլիստներին։
««Մանչեսթեր Յունայթեդում» աշխատելն անհնարին չէ։ Ակումբը դեռ մեծ է, այն դեռ լավագույնն է Անգլիայում, և մենք ցանկանում ենք հաղթել։ Ես գիտեմ, որ դուք չեք հավատում այս ֆուտբոլիստներին, բայց ես հավատում եմ։ Դուք կարծում եք, որ դա անհնար է, ես կարծում եմ, որ դա հնարավոր է։ Ես հավատում եմ նրանց»,- ասել է Ամորիմը մամուլի ասուլիսում։
«Մանչեսթեր Յունայթեդը» նոյեմբերի 24-ին արտագնա խաղում կմրցի «Իպսվիչի» հետ։ Պրեմիեր Լիգայի 12-րդ տուրի հանդիպումը կմեկնարկի Երևանի ժամանակով 20։30-ին։
