«Մանչեսթեր Յունայթեդի» որոշ ղեկավարներ կարծում են, որ թիմի 23-ամյա հարձակվող Ջոշուա Ցիրկզին չի համապատասխանում թիմի մակարդակին։ Այս մասին հայտնում է Manchester Evening News-ը։

Ըստ աղբյուրի՝ անգլիական ակումբում կասկածներ ունեն հոլանդացի ֆուտբոլիստին նախորդ ամառ գնելու հետ կապված։

Նշվում է, որ «Մանչեսթեր Յունայթեդը» 2025 թվականի ամռանը կփորձի հուսալի հարձակվող գնել։

Այս մրցաշրջանում հարձակվողը բոլոր մրցաշարերում մասնակցել է 17 հանդիպման, որոնցում դարձել է մեկ գոլի և երկու գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2029 թվականի ամառը։