«Մանչեսթեր Յունայթեդի» նախկին գլխավոր մարզիչ Ռուդ վան Նիստելռոյը կմնա Անգլիայի Պրեմիեր Լիգայում։
Ինչպես հաղորդում է Football Insider-ը, հոլանդացի մասնագետի նկատմամբ հետաքրքրություն են ցուցաբերում մի քանի ակումբներ, այդ թվում՝ «Սաութհեմփթոնը», «Վուլվերհեմփթոնը» և «Քրիսթալ Փելասը»:
Հիշեցնենք, որ վան Նիստելռոյը ժամանակավորապես գլխավորում էր «Մանչեսթեր Յունայթեդը»։ Նրա գլխավորությամբ թիմը տարավ երեք հաղթանակ և մեկ անգամ ոչ-ոքի խաղաց։
«Մանչեսթեր Յունայթեդի» գլխավոր մարզչի պաշտոնում նշանակված պորտուգալացի մասնագետ Ռուբեն Ամորիմը որոշել է լեգենդար հարձակվողին չտանել իր աշխատակազմ՝ չնայած Վան Նիստելռոյի ցանկությանը։
