«Մանչեսթեր Սիթին» ակտիվորեն կքննարկի հարձակվող Էրլինգ Հոլանդի հետ պայմանագրի երկարաձգման հարցը։
Նորվեգացի գերաստղի հետ նոր պայմանագիր կնքելու հետաքրքրվածության մասին տեղեկությունը մամուլում հայտնվել է արդեն մի քանի ամիս։
Այժմ, երբ ակումբին հաջողվել է համաձայնության գալ գլխավոր մարզիչ Պեպ Գվարդիոլայի հետ նոր պայմանագրի շուրջ, ակտիվ աշխատանք կսկսվի Հոլանդի հետ պայմանագրի երկարաձգման ուղղությամբ, հայտնում է լրագրող Մարտին Բլեքբերնը։
Եթե ամեն ինչ ընթանա ըստ նախատեսվածի, նա պայմանագիր կկնքի չորսից հինգ տարի ժամկետով, որի պայմաններով նա կարող է վաստակել մոտ 100 միլիոն ֆունտ առանց բոնուսների:
Էրլինգ Հոլանդը «Մանչեսթեր Սիթիում» հանդես է գալիս 2022 թվականի ամառվանից։ Գվարդիոլայի թիմի կազմում անցկացրած 114 խաղում ֆուտբոլիստը խփել է 105 գոլ։
