Մադրիդի «Ռեալի» կիսապաշտպան Ֆեդերիկո Վալվերդեն Լա լիգայի 14-րդ տուրի «Լեգանես» – «Ռեալ Մադրիդ» առաջիկա հանդիպմանը կխաղա աջ պաշտպանի դիրքում։ Այս մասին հայտնել է իսպանացի հայտնի լրագրող Խոսե Լուիս Սանչեսը:
Աղբյուրի համաձայն՝ ուրուգվայցի կիսապաշտպանը կփոխարինի վնասվածք ստացած Դանի Կարվախալին, ով ծնկի խաչաձև կապանների պատռվածքի պատճառով դուրս է մնացել մրցաշրջանի մնացած հատվածում և Լուկաս Վասկեսին, ով մկանային վնասվածք է ստացել և բացակայելու է առնվազն երեք շաբաթով:
Մադրիդի «Ռեալը» 27 միավորով զբաղեցնում է Լա լիգայի մրցաշարային աղյուսակի երկրորդ հորիզոնականը։ «Բարսելոնան» 33 միավորով գլխավորում է Իսպանիայի առաջնության մրցաշարային աղյուսակը:
