Խոսակցություններ կան, որ «Միլանը» ցանկանում է Մադրիդի «Ռեալից» հետ բերել հարձակվողական ոճի կիսապաշտպան Բրահիմ Դիասին։

Սակայն, ինչպես հայտնում է Marca-ն, մադրիդյան թիմի գլխավոր մարզիչ Կառլո Անչելոտտին գոհ է Դիասի խաղից և կարծում է, որ նա չի լքի ակումբը։

Դիասից գոհ են նաև ակումբի մյուս բոլոր ներկայացուցիչները, մասնավորապես՝ «Ռեալի» նախագահ Ֆլորենտինո Պերեսը։ Los Blancos-ը հիացած է 25-ամյա ֆուտբոլիստի պրոֆեսիոնալիզմով և կարծում է, որ նա երկար ապագա ունի թիմում:

2024/2025 մրցաշրջանում Բրահիմ Դիասը մասնակցել է Մադրիդի «Ռեալի» ինը պաշտոնական հանդիպման։ Դրանցում ֆուտբոլիստը խփել է մեկ գոլ և երկու արդյունավետ փոխանցում իր գործընկերներին։