«Բարսելոնայի» վինգեր Ռաֆինյան կարող է կարիերան շարունակել Անգլիայի Պրեմիեր Լիգայում։
Ինչպես հաղորդում է Fichajes-ը, բրազիլացու ծառայություններով հետաքրքրված է «Արսենալը»:
«Զինագործները» պլանավորում են խաղացողի համար առաջարկել մոտ 75 միլիոն եվրո։
Նշվում է, որ «Բարսելոնան» չի ծրագրում բաժանվել Ռաֆինյայից 83 միլիոն եվրոյից պակաս գումարի դիմաց։
27-ամյա Ռաֆինյան ընթացիկ մրցաշրջանում «Բարսելոնայի» առաջատարն է:
Բրազիլացու պայմանագիրը «Բլաուգրանայի» հետ նախատեսված է մինչև 2027 թվականի հունիսի 30-ը, իսկ նրա տրանսֆերային արժեքը գնահատվում է 60 միլիոն եվրո:
