Մադրիդի «Ռեալը» պատրաստվում է Իսպանիայի առաջնության «Լեգանեսի» դեմ արտագնա հանդիպմանը։
Իսպանական մամուլը գրում է, որ դարպասապահ Տիբո Կուրտուան ապաքինվել է մի քանի շաբաթ առաջ ստացած վնասվածքից։ Այնուամենայնիվ, ինչպես հայտնում է Defensa Central-ը, «Լոս Բլանկոսի» գլխավոր մարզիչ Կառլո Անչելոտտին ցանկանում է զգուշությամբ մոտենալ խաղին։
Իտալացին անհանգստացած է, քանի որ սա Կուրտուայի երկրորդ մկանային վնասվածքն է այս մրցաշրջանում: Անչելոտտին չի պատրաստվում շտապել, ուստի Անդրեյ Լունինը կարող է խաղալ «Լեգանեսի» դեմ:
«Լեգանես» – «Ռեալ Մադրիդ» հանդիպումը կկայանա կիրակի՝ նոյեմբերի 24-ին։ Իսկ երեք օրից Կառլո Անչելոտտիի թիմը պետք է Չեմպիոնների լիգայի խաղ անցկացնի «Լիվերպուլի» դեմ։
