«Բոտաֆոգոյի» հարձակվող Իգոր Ժեզուսի ծառայություններով հետաքրքրված են անգլիական Պրեմիեր Լիգայի մի շարք ակումբներ:
Բրազիլիայի հավաքականի 23-ամյա ֆուտբոլիստին հետևում են «Արսենալն» ու «Չելսին», իսկ «Ֆուլհեմը» վերջերս է համալրել հավանական գնորդների ցուցակը, հայտնում է TBR Football-ը։
Հարձակվողի տրանսֆերը կարող է կայանալ հաջորդ տարի։ Աղբյուրի տեղեկություններով՝ «Նյուքասլը» և «Նոթինգհեմ Ֆորեսթը» նույնպես ուսումնասիրում են ֆուտբոլիստի հետ պայմանագիր կնքելու հնարավորությունը:
Այս մրցաշրջանում Իգոր Ժեզուսը «Բոտաֆոգոյի» կազմում անցկացրած 24 խաղում դարձել է 8 գոլի և 3 գոլային փոխանցման հեղինակ: Հոկտեմբերին հարձակվողը գոլ խփեց Չիլիի հավաքականին Բրազիլիայի հավաքականի կազմում իր դեբյուտային խաղում։
