ESPN-ը ներկայացրել է Լոնդոնի «Արսենալի» 2024/2025 մրցաշրջանի ամենաթանկարժեք ֆուտբոլիստների վարկանիշային աղյուսակը։

Առաջին տեղում նորվեգացի կիսապաշտպան Մարտին Էդեգորն է։ Երկրորդը անգլիացի վինգեր Բուկայո Սական է, իսկ երրորդը՝ կենտրոնական պաշտպան Ուիլյամ Սալիբան:

«Զինագործների» ամենաթանկարժեք խաղացողների տասնյակ ներառվել են նաև՝ Գաբրիելը, Դեկլան Ռայսը, Դեյվիդ Ռայան, Կայ Հավերցը, Գաբրիել Մարտինելին, Բեն Ուայթը և Թոմաս Պարթին:

Անգլիայի Պրեմիեր Լիգայի 11 տուրերի արդյունքներով լոնդոնյան թիմը վաստակել է 19 միավոր և զբաղեցնում է մրցաշարային աղյուսակի չորրորդ հորիզոնականը։

Միկել Արտետայի սաները առաջատար «Լիվերպուլից» հետ են մնում ինը միավորով: