«Յուվենտուսի» և Սերբիայի հավաքականի հարձակվող Դուշան Վլահովիչը պատասխանել է թուրինյան ակումբի և ազգային հավաքականում հանդես գալու տարբերության մասին հարցին:
«Ինձ համար մի փոքր ավելի հեշտ է, երբ կա մեկ այլ հարձակվող, քանի որ Միտրովիչը պահում է գնդակը և մասնակցում օդային պայքարներին, այնպես որ ես կարող եմ ավելի շատ օգտագործել իմ առանձնահատկություններն ու որակները:
Մարզիչը նաև չի խնդրում ինձ շատ պաշտպանական պարտականություններ կատարել, ուստի դա նույնպես հեշտացնում է: Իմ ֆիզիկական ձևով ես չեմ կարող այդքան վազել և վերջում այնքան էլ թարմ չեմ, երբ այդքան քրտնաջան աշխատում եմ»,- Վլահովիչի խոսքերն է մեջբերում Football Italia-ն։
Հիշեցնենք, որ Վլահովիչը «Յուվենտուս» է տեղափոխվել «Ֆիորենտինայից» 2022 թվականի ձմռանը։ Այս ընթացքում նա բոլոր մրցաշարերում մասնակցել է 117 հանդիպման, որոնցում դարձել է 50 գոլի և 10 գոլային փոխանցման հեղինակ։
