«Բարսելոնայի» կիսապաշտպան Մարկ Կասադոն վերհիշել է Իսպանիայի առաջնությունում Մադրիդի «Ռեալի» նկատմամբ տարած ջախջախիչ հաղթանակը։ Կատալոնական ակումբը ջախջախեց մրցակցին՝ 4։0 հաշվով։
««Բարսելոնան» հստակ ցույց տվեց իր մակարդակը ուժեղ մրցակցի դեմ խաղում։ Սա իմ կարիերայի լավագույն հաղթանակն էր։ Մադրիդի «Ռեալի» մարզադաշտում 4։0 հաշվով հաղթելը միշտ յուրահատուկ պահ է «Բարսելոնայի» սաների համար»,- ֆուտբոլիստի խոսքերն է փոխանցում Mundo Deportivo-ն։
Կատալոնական գրանդն այս պահին Իսպանիայի առաջնության մրցաշարային աղյուսակում զբաղեցնում է առաջին տեղը՝ երկրորդ տեղում ընթացող Մադրիդի «Ռեալից» գերազանցելով վեց միավորով։
