«Մանչեսթեր Յունայթեդի» վինգեր Էնթոնին շուտով կարող է հեռանալ ակումբից։
Բրազիլացին այս մրցաշրջանում կորցրել է իր տեղը «կարմիր սատանաների» կազմում։ 24-ամյա հարձակվողի ապագան ակումբում կասկածի տակ է, և հունվարին մանկունիանցիների ղեկավարությունը, հավանաբար, փորձեր կանի նրանից բաժանվելու ։
Ինչպես հայտնում է TBR Football-ը, «Մանչեսթեր Յունայթեդը» դիտարկում է Էնթոնիին «Ֆլամենգոյից» 18-ամյա Լորանի հետ մեկ գործարքի մեջ ներառելու տարբերակը:
Հնարավոր փոխանակման մանրամասները դեռ հայտնի չեն: Էնթոնիի արժեքը Transfermarkt պորտալը գնահատում է 20 միլիոն եվրո, Լորանի գինը 12 միլիոն է:
Երիտասարդ հարձակվողական ոճի կիսապաշտպանը 30 հանդիպում է անցկացրել «Ֆլամենգոյի» առաջին թիմի կազմում՝ դառնալով երկու գոլի և երեք գոլային փոխանցման հեղինակ:
